રેખ્તા
હિન્દવી
સૂફીનામા
રાજસ્થાની
વાગે છે રે વાગે છે, વૃંદાવન મોરલી વાગે છે, તેનો નાદ ગગનમાં ગાજે છે. વૃંદા ૦
વૃંદા તે વનને મારગ જાતાં, વા'લો દાણ દધિનાં માગે છે. વૃંદા ૦
વૃંદા તે વનમાં રાસ રચ્યો છે, વા'લો રાસમંડળમાં બિરાજે છે. વૃંદા ૦
પીળાં પીતાંબર, જરકસી જામો, પીળો તે પટકો બિરાજે છે. વૃંદા ૦
કાને તે કુંડળ, મસ્તકે મુગટ, મુખ પર મોરલી બિરાજે છે. વૃંદા ૦
વૃંદા તે વનની કુંજગલનમાં, વહાલો થનક થનક થૈ નાચે છે. વૃંદા ૦
બાઈ મીરાંકે પ્રભુ ગિરિધર નાગર, દર્શન થકી દુઃખ ભાગે છે. વૃંદા ૦
સ્રોત
- પુસ્તક : મીરાંનાં શ્રેષ્ઠ પદ
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997