રેખ્તા
હિન્દવી
સૂફીનામા
રાજસ્થાની
મારા વ્હાલા વેપારી રે!
તમે સતનો વેપાર કરજો,
પાંચ-પચ્ચીસની મૂડી કરીને
તમે બજારમાં પરવરજો.
હેત કરીને હાટડી માંડજો, નેમે વિવેકીને વરતજો જી,
પાતર જોઈને ધડો કરજો, તેમાં વસ્તુ તોલાં મૂકજો.
મારા વ્હાલા વેપારી રે!
ધીરધાર ને ઉછીઉધારામાં, અસત નવ આદરજો જી,
સત્ય શબદની સયું કરીને, તમે સરવાળો મેળવજો.
મારા વ્હાલા વેપારી રે!
હાંણ લાભ તો હરિ જાણે, પ્રકટ પરમાણું આદરજો જી,
ગુરુ પ્રતાપે 'પીઠો ભગત' કહે, અમર લોકમાં મળજો.
મારા વ્હાલા વેપારી રે!
સ્રોત
- પુસ્તક : નવનીત સમર્પણ : ફેબ્રુઆરી, ૨૦૨૨ (પૃષ્ઠ ક્રમાંક 21)