વાટ જુએ છે મીરાં

વાટ જુએ છે મીરાં

વાટ જુએ છે મીરાં રાંકડી રે,

ઊભી ઊભી અરજ કરે છે દીનાનાથ રે. ટેક

મુનિવર સ્વામી મારે મંદિરે પધારો રે,

વહાલા સેવા કરું દિન રાતડી રે. ઊભી...

ફૂલના તે હાર ને ફૂલના તે ગજરા રે,

ફૂલના તોરા ને ફૂલપાંખડી રે. ઊભી...

પાંચે પકવાન્ન મીઠાઈઓ ને મેવા રે,

ઘેબર જલેબી તલસાંકળી રે. ઊભી...

લવિંગ સોપારી ને પાનનાં બીડલાં રે,

એલચીદોડા ને તજપાંખડી રે. ઊભી...

સાવ રે સોનાનાં વહાલા સોગઠાં ઢળાવું રે,

રમવા આવો તો જાય રાતડી. ઊભી...

મીરાંબાઈ કે પ્રભુ ગિરધર નાગર,

જોતાં ઠરે મારી આંખડી રે. ઊભી...

vat juae chhe meera