રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
નારાયણનું નામ લેતાં
narayananun nam letan
નરસિંહ મહેતા
નરસિંહ મહેતા
નારાયણનું નામ લેતાં વારે તેને તજીએ રે;
મનસાદ-વાચા-કર્મણાએ શ્રીલક્ષ્મીવરને ભજીએ રે. ના૦ ૧
કુળને તજીએ, કુટુંબને તજીએ, તજીએ મા ને બાપ રે;
ભગિની, સુત, દારાને તજીએ, જેમ તજે કાંચળી સાપ રે. ના૦ ર
પ્રથમ પિતા પ્રહ્લાદે તજિયા, નવ તજિયું હરિનું નામ રે;
ભરત-શત્રુઘ્ને માતા તજિયાં, નવ તજિયા શ્રીરામ રે. ના૦ ૩
ઋષિ-પત્નીએ શ્રીહરિને કાજે તજિયા નિજ ભરથાર રે;
તે માટે કોઈ દોષ ન લાગ્યો, પામી પદારથ ચાર રે. ના૦ ૪
સ્રોત
- પુસ્તક : નરસિંહ મહેતાના શ્રેષ્ઠ પદ
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997