સ્વામી! સાચું કહ્યું, બોલવું હવે રહ્યું

‘સ્વામી! સાચું કહ્યું, બોલવું હવે રહ્યું, કંથનાં વચન તે વેદવાણી;

ભવ તણું નાવ તે ભક્તિ ભૂધર તણી, તેહ હું પ્રીછવું સ્નેહ આપી. સ્વા...

નથી હરિ વેગળા, ભક્તિભાવે ભલા, રાય ને રંક ત્યાં એક ઘાટે;

કોટિધ્વજ લખપતિ મંન ના'ણે રતી, શક્ર સરખા તિહાં નહિ રે સાટે. સ્વા...

બ્રહ્મણ્ય દેવ દયાળ શ્રીકૃષ્ણજી, નિજ જન જાણીને સૂધ લેશે;

પ્રીતની રીત તે જાય નહિ વીસરી, બાળલીલા તણાં ચરિત કહેશે.’ સ્વા...

‘નથીત્કાંઈ ઓઢવા, ભેટ લઈને જવા, કેમ કરી જાણશે કૃષ્ણ કામી?

દત્ત નથી આપણું, વદન લજામણું, જાચતાં લાજું નરસૈંનો સ્વામી.’ સ્વા...

swaamii! saachun kahyun, bolvun have rahyun