શું કરવું છે મારે

શું કરવું છે મારે

શું કરવું છે મારે, શું રે કરવું છે રે?

હીરામાણેકને મારે શું રે કરવું?

મોતીની માળા રાણા, શું કરવી છે?

તુળસીની માળા લઈને, પ્રભુ ભજવું છે રે. હીરા...

હીનાં ચીર, રાણા, શું રે કરવાં છે?

ભગવી ચીથરીઓ પ્હેરી, મારે ફરવું છે રે. હીરા...

મહેલ ને માળા રાણા, શું રે કરવાં છે ?

જંગલ ઝૂંપડીએ જઈને મારે વસવું છે રે. હીરા...

બાઈ મીરાં કહે પ્રભુ ગિરિધર નાગર,

અમર ચૂડલો લઈને મારે ફરવું છે રે. હીરા...

Shu Karvu Chhe Mare