રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ગોરી! તારે ત્રાજુડે રે
gori! tare trajuDe re
નરસિંહ મહેતા
નરસિંહ મહેતા
ગોરી! તારે ત્રાજુડે રે મોહ્યા મોહ્યા મુનિવરરાયા રે;
રૂપ સ્વરૂપ કળ્યું નવ જાયે, કોઈ દીસે છે ઈશ્વરી માયા રે. ગો૦ ૧
રુમઝુમ રુમઝુમ નેપુર વાજે, ગોફણે ઘુઘરી ઘમકે રે;
શીશ દામણી એણી પેર સોહે, જેમ ગગન વીજળી ચમકે રે. ગો૦ ર
નિલવટ આડ કરી કેસરની, માંહે મૃગમદની ટીલી રે;
આંખલડી જાણે પાંખલડી, હીંડે લીલાએ લાડગહેલી રે. ગો૦ ૩
આ કંચવો તમે કર્યા સિવડાવ્યો? શણગટ વાળ્યો શું ધારી રે?
આ વેણી તમે કયાં રે ગૂંથાવી, જેણે મોહી છે વ્રજની નારી રે? ગો૦ ૪
ચંચળ દ્રષ્ટે ચોદિશ નિહાળે, માંહે મદનનો ચાળો રે;
નરસૈયાચો સ્વામી જોવા સરખો, કોઈ એ સુંદરીનું વદન નિહાળો રે. ગો૦ પ
સ્રોત
- પુસ્તક : નરસિંહ મહેતાના શ્રેષ્ઠ પદ (પૃષ્ઠ ક્રમાંક 58)
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997