સરખી મળી છે જોડી!

સરખી મળી છે જોડી!

ના આવે, ના આવે રે, નાથજી ના આવે.

એને મથુરામાં મળી મોહિની નાર રે, ગોકુળ કેમ ભાવે? નાથ...

મથુરામાં છે શાલ દુશાલા, ને નાના વિધના વાઘા રે;

ગોકુળ મેલી નાસી ગયા, કાળી કામળ ઓઢતા ભાગા. નાથ...

આગળ હુતા ગોવાળિયા ને થયા મથુરાના રાય રે;

કહે બાઈ ગોકુળ કેમ ગમે એને નિત ઊઠી દોવી પડે ગાય. નાથ...

કંસરાયની કાળી કુબજા, ખૂંધી ને વળી ખોડી રે;

કાળો કહાનો, કાળી કુબજા, સરખી મળી છે જોડી રે. નાથ...

વૃંદાવનની કુંજગલીમાં અમને રમાડ્યાં રાસ રે;

નરસૈંયાના સ્વામી અમને કરી ગયા છે નિરાશ રે. નાથ...

sarakhi mali chhe jodi!