આત્મારામની આરતી, કરું જ્ઞાનનો દીપ રે

આત્મારામની આરતી, કરું જ્ઞાનનો દીપ રે;

પ્રકાશ થયો ત્રણ લોકમાં, નવ ખંડ સપ્ત દ્વિપ રે... આત્મારામની

નાભિકમળનું કોડીઉં રે, પૂર્યું પ્રેમનું ઘૃત રે;

પંચ પ્રાણુની બત્તી કરું, કપૂર કલ્પના સમસ્ત રે... આત્મારામની૦

ઝળહળ જ્યોત ઝળકી રહી, ગયું અજ્ઞાન અંધકાર રે;

સ્થૂળ સૂક્ષ્મ કારણું સમાઈ ગયાં, મહાકારણ કિરતાર રે... આત્મારામની૦

આરતી કરીને લઉં ઓવારણાં, નીરખું નયનમાં નયન રે;

સચરાચર દૃષ્ટે પડ્યો, નહીં બોલવાને વેણ રે... આત્મારામની૦

નિરંતર અંતર નહીં, નિરંતર નિરાકાર રે;

‘પુરુષોત્તમ’ પૂરી રહ્યા, આત્મારામ આધાર રે... આત્મારામની૦

aatmaanii aartii, karun gyaanno diip re