રૂડી ને રંગીલી રે વહાલા, તારી વાંસળી રે જી

રૂડી ને રંગીલી રે વહાલા, તારી વાંસળી રે જી.

મીઠી ને મધુરી રે મા'વા; તારી મોરલી રે જી;

એ તો મારે મંદિરિયે સંભળાય. રૂડી ને...

કાનુડો એ કાળો રે બાઈ ઓ, મારે હૃદયે વસ્યો રે જી;

મૂકી દેને કહાનકુંવર! મારાં ચીર.

સરખીને સાહેલી રે સાથે પાણી નીસર્યાં રે જી; રૂડી ને...

બેડલું મેલ્યું સરોવરિયાની રે પાળ.

ઉંઢોણી વળગાડી રે, આંબલિયાની ડાળમાં રે જી;

ઊભી નીરખું નટવર દીનદયાળ. રૂડી ને...

હું તો સૂ'તીતી રે બાઈ ભર નિંદરમાં રે જી;

મોરલી વાગી ઝબકીને જાગી માઝમ રાત. રૂડી ને...

ગુરુને પ્રતાપે રે, બાઈ મીરાં બોલિયાં રે જી;

દેજો અમને સાધુના ચરણોમાં વાસ. રૂડી ને...

Rudi Ne Rangili Re Vhala Tari Vansali Re Ji