રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
મુખડાની માયા લાગી રે,
મોહન પ્યારા! મુખડાની માયા લાગી.
મુખડું મેં જોયું તારું, સર્વ જગ થયું ખારું;
મન મારું રહ્યું ન્યારું રે. મોહન૦
સંસારીનું સુખ એવું, ઝાંઝવાનાં નીર જેવું;
તેને તુચ્છ કરી દેવું રે. મોહન૦
સંસારીનું સુખ કાચું, પરણીને રંડાવું પાછું;
તેને તો હું શીદ જાચું રે? મોહન૦
પરણું તો પ્રીતમ પ્યારો, અખંડ સૌભાગ્ય મારો;
મેં તો કર સાહ્યો તારો રે. મોહન૦
મીરાંબાઈ બલિહારી, આશા મુને એક તારી;
સંસારથી રહી ન્યારી રે. મોહન૦
સ્રોત
- પુસ્તક : મીરાંનાં શ્રેષ્ઠ પદ (પૃષ્ઠ ક્રમાંક 27)
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997