પારણે પોઢ્યા શ્રીપુરુષોત્તમ, માતાને હરખ ન માય રે

પારણે પોઢ્યા શ્રીપુરુષોત્તમ, માતાને હરખ ન માય રે;

આનંદ્યા વ્રજવાસી સહુ કો, માનુની મંગળ ગાય રે. પા૦

સાવ સોનાનું પારણું રે માણેક-મોતીએ જડિયું રે;

ચોદિશ રત્નની કાન્તિ વિરાજે, ઝાઝે હીરે ભરિયું રે. પા૦

હીંડોળે ઊભાં ઉલ્લાસે, ધમધમ ઘૂઘરા ધમકે રે;

કહાનકુંવર અવલોકી જોતાં માનિનીનાં મન ટમકે રે. પા૦

ધન્ય ધન્ય નંદ, જશોમતી માતા, ધન્ય ધન્ય ગોકુળ ગામ રે,

નરસૈંયાનો સ્વામી અવતરિયો, ક૨વા ભક્તનાં કામ રે. પા૦

parne podhyaa shriipurushotam, maataane harakh na maay re