રેખ્તા
હિન્દવી
સૂફીનામા
રાજસ્થાની
પઢો રે પોપટ
paDho re popat
નરસિંહ મહેતા
નરસિંહ મહેતા
પઢો રે પોપટ રાજા રામના, સતી સીતા પઢાવે;
પાસે બંધાવી પાંજરું, મુખે રામ જપાવે. પઢો૦ ૧
પોપટ! તારે કારણે લીલા વાંસ વઢાવું ;
તેનું ઘડાવું, પોપટ! પાંજરું, હીરા-રતને જડાવું. પઢો૦ ર
પોપટ! તારે કારણે શી શી રસોઈ રંધાવું?
સાકરનાં કરી ચૂરમાં, ઉપર ઘી પિરસાવું. પઢો૦ 3
પાંખ પીળી ને પગ પાંડુરા, કોટે કાંઠલો કાળો;
નરસૈયાના સ્વામીને ભજો રાગ તાણી રૂપાળો. પઢો૦ ૪
સ્રોત
- પુસ્તક : નરસિંહ મહેતાના શ્રેષ્ઠ પદ
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997