ઓ રાણા? જીવનો સંગાથી હરિ વિણ કોઈ નથી,

મારે પ્રભુ ભજવાની હામ રે, મારે હરિ ભજવાની હામ રે. જીવનો...

ઓ રાણા! એક રે ગાયને દો દો વાછડા,

તોય એના જુદા રે જુદા લેખ;

એક રે શિવજી ઘેર પોઠિયો, બીજો ફરે ઘાંચીડાને ઘેર. જીવનો...

ઓ રાણા! એક રે માટીનાં દો દો માટલાં,

તોય એના જુદા રે જુદા લેખ;

એક રે માટલું જસોદા માતનું, બીજું દીસે કલાલને ઘેર. જીવનો...

ઓ રાણા! એક રે વેલાને બે બે તુંબડાં,

તોય એના જુદા રે જુદા લેખ;

એક રે તુંબડું સાધુના હાથમાં, બીજું રાવળિયાને ઘેર. જીવનો...

ઓ રાણા! એક રે માતાને દો દો બેટડા,

તોય એના જુદા રે જુદા લેખ;

એક રે બેટડો ચોરાશી ધૂણી તપે, બીજો ઘૂમે લખચોરાશી ફેરા માંહ્ય, જીવનો...

ઓ રાણા! એક રે વાંસની દો દો વાંસળી,

તોય એના જુદા રે જુદા લેખ;

એક રે વાંસળી કાનકુંવરની, બીજી વાગે વાદીડાને રે ઘે૨. જીવનો...

ઓ રાણા! ગુરુને પ્રતાપે મીરાં બોલિયાં,

દેજો અમને સંતોના ચરણોમાં વાસ. જીવનો...