ઓ દીસે, સખી! મેહલો આવ્યો

(રાગ સામેરી)

ઓ દીસે, સખી! મેહલો આવ્યો, ના'વ્યો મારો નાથ વિદેશી રે;

અનંગ આહેડીએ ધનુષ ચઢાવ્યું, અમ અબળાની ૫ર કસી રે. ઓ૦

અંબર ગાજે, વીજ ઝબૂકે, મેહુલિયે ઝડ માંડી રે,

નિર્ગુણને શું કહીએ? - બહેની! નાથ ગયો ઘર છાંડી રે. ઓ૦

આગે દોહેલે દિન નીગમતી, દાદુર-મોર બિહાવે રે;

વિરહિયાંચા વેરી ચાતુક સૂતાં સાલ જગાવે રે. ઓ૦

એણી રતે ૫રદેશ પધાર્યા તે નર પશુઆં કહીએ રે;

નરસૈંયાચા સ્વામી! કહું તમને ખિણ એક અળગા ન રહીએ રે. ઓ૦

o diise, sakhii! mehulo aavyo