નહીં હર, હું હરણાક્ષી રે, મન્મથ!

(રાગ રામગ્રી)

નહીં હર, હું હરણાક્ષી રે, મન્મથ! પીડીશ મા મોરી દેહા.

વેરભાવ તારે શંકર સાથે, અમ અબળાના ગુણ કેહા રે? મ૦

મસ્તક વેણી, જટા મ જાણે; નોહે રે મુગટ, એ તો ફૂલ;

નોહે રે ગરલ, મૃગમદ છે મારે; ભોળપણે કાં ભૂલ રે? મ૦

નોહે રે વિભૂતિ, ચંદન છે મારે; નોહે રે નાગ, એ તો હાર;

નોહે એ ગજચર્મ, અંગ એ પટોળી; જો તું, રુદયે વિચાર રહે. મ૦

કામબાણ મ મેલીશ, બળિયા! અમે છું અબળા ગેહેલી;

નરસૈંયાચો સ્વામી ભલે મળિયો, આવાગમન દે ઠેલી રે. મ૦

nahiin kar, hun harnaakshii re, mamanth!