મુને લહે રે લાગી હરિના નામની રે

મુને લહે રે લાગી હરિના નામની રે;

હું તો ટળી રે સંસારિયાના કામની રે. મુને...

ચોટ લાગી તે ટાળી કદી નહીં ટળે રે;

ભલે કોટી પ્રયત્ન દુર્જન કરે રે. મુને...

હું તો બાવરી ફરું છું મારા મદમાં રે;

મારી સૂરતી શામળિયાના પદમાં રે. મુને...

મહામંત્ર સુણાવ્યો મારા કાનમાં રે;

હું તો સમજી મોહનજીની સાનમાં રે. મુને...

મીરાંબાઈને ગુરુજી મળ્યા વાટમાં રે;

એણે છોડી દીધેલ રાજપાટનાં રે. મુને...

Mune Lahe Re Lagi Harina Naam ni Re