મેં તો જોયું તખત પર જાગી રે

મેં તો જોયું તખત પર જાગી રે, ઝાલરી ઝણણ વાગી.

ગુરુએ લીધા ઉરમાં, બહુનામીએ સાંધ્યાં બાણ,

વિચાર કરું તો વેદના ભારી, ભીતર પ્રગટ્યા રવિ ભાણ... જાગી૦

હરિ ઘોડાને ચડે ચોકડું, શેષનાગ પલાણ,

ચાંદા-સૂરજ એનાં પાંગડાંને, તે પર ચડનારી ચતુર સુજાણ... જાગી૦

ગગન મંડળના ગોલોક માંહે, ઈશ્વર રે સૂતો નિરધાર,

ત્રણ લોક તેની સેવા કરે, કાય કબીર રણકાર... જાગી૦

પ્રેમ નામના પટા લખાણા, સુરતા કરે એની સેવ,

મુંજા પ્રતાપે ‘મેરુ’ બોલિયા, એને મળ્યા નિરંજન દેવ... જાગી૦

men to joyu takhat par jaagii re