મારું મનડું વીંધાણું રાણા

મારું મનડું વીંધાણું રાણા, ચિતડું ચોરાણું, રાણા, શું રે કરું?

શું રે કરું? વિષ પીધે ના મરું, હો રાણા, શું રે કરું? મારું...

નિંદા કરે છે મારી, નગરીના લોક રાણા;

તારી શિખામણ હવે, મારે મન ફોક, રાણા... શું રે કરું...

ભરીબજારમાંથી હાથી હાલ્યો જાયે રાણા;

શ્વાન ભસે છે તેમાં હાથીને શું થાય? રાણા... શું રે કરું...

ભૂલી રે ભૂલી હું તો, ઘરનાં રે કામ રાણા;

ભોજન ન ભાવે, નયણે નીંદ છે હરામ, રાણા... શું રે કરું...

બાઈ મીરાં કે પ્રભુ, ગિરિધર નાગર વા'લા,

પ્રભુને ભજીને હું તો થઈ ગઈ ન્યાલ, રાણા... શું રે કરું....

Maru Mandu Vindhanu Rana