મારી વાડીના ભમરા

મારી વાડીના ભમરા

મારી વાડીના ભમરા, વાડી મારી વેડીશ મા;

વાડી વેડીશ મા ફૂલડાં તોડીશ મા. મારી વાડીના ભમરા...

મારી વાડીમાં, વહાલા પવન પાંદડીઓ;

ધીરજ ધરજે, મન! તું દોડીશ મા. મારી વાડીના ભમરા...

મારી વાડીમાં વહાલા, ચંપો ને મરવો;

વાસ લેજે તું, ફૂલ તોડીશ મા. મારી વાડીના ભમરા...

મારી વાડીમાં વહાલા, આંબો રે મોર્યો;

પાકા લેજે, કાચા તોડીશ મા. મારી વાડીમાં ભમરા...

મારી વાડીમાં વહાલા, ત્રિકમ ટોયો;

ગોફળ લેજે, ગોળો છોડીશ મા. મારી વાડીમાં ભમરા...

બાઈ મીરાં કે પ્રભુ ગિરિધર નાગર;

ચરણકમલ ચિત્ત છોડીશ મા. મારી વાડીના ભમરા...

Mari Vadi na Bhamra