રેખ્તા
હિન્દવી
સૂફીનામા
રાજસ્થાની
મરમ માળા રે, બાઈ મારા ઘટમાં ફરી,
રૂંવે રૂંવે બોલે રે, તું હી સોહમ સોહમ હરિ, રે જી.
મરમના મણકા દમની દોરડી, જપું અજપા જાપ,
બંકનાળમાં સુરત નિહાળી, મટી ગયા ત્રણે તાપ,
ગંગા ને જમના રે, નિરમળ સબળ ભરી... મરમની૦
તરવેણી અને ઇંગલા પિંગલા, દીસે ચંદ્ર અને સૂર,
ચાર કોસ ચડ દેખા ગગન મેં, વાજે અનહદ તૂર,
બ્રહ્મને લોભાણો રે, નિશાને જઈ નજર ઠરી... મરમની૦
અલેખ પુરુષ સત અવિનાશી, તે તો કળ્યો નવ જાય,
ગુરુ અભરામે મહેર કરી, તેના દાસ 'નબી' ગુણ ગાય,
પાણીના સંગ રે, લૂણ જોને ગયું રે ગળી... મરમની૦
સ્રોત
- પુસ્તક : સાહિત્ય : ડિસેમ્બર, ૧૯૨૨ (પૃષ્ઠ ક્રમાંક 782)
- સંપાદક : મટુભાઈ કાંટાવાળા