મનમાં જાણે છે મરવું નથી રે

તારા મનમાં જાણે છે મરવું નથી રે,

એવો નિશ્ચે કર્યો નિરાધાર;

તેમાં ભૂલી ગયો ભગવાનને રે. ટેકo

ધન-દોલત, નારી ને ઘણા દીકરા રે,

ખેતીવાડી, ઘોડી ને દરબાર. તેમાંo ૧

મેડી મંદિર ઝરૂખા ને માળિયા રે,

સુખદાયક સોનેરી સેજ. તેમાંo ૨

ગાદી-તકિયા ને ગાલ-મસૂરિયા રે,

અતિ આડ કરે છે એ જ. તેમાંo ૩

નીચી કાંધ કરીને નમતો નથી રે,

એવું સાધુ સંગાથે અભિમાન, તેમાંo ૪

મરમાળી મોહનજીની મૂરતિ રે,

તેની સાથે ન લાગેલ તાન. તેમાંo ૫

પાપ અનેક જનમનાં આવી મળ્યાં રે,

તારી મતિ મલીન થઈ મંદ. તેમાંo ૬

દેવાનંદના વહાલાને વીસરી ગયો રે,

તારે ગળે પડ્યો જમ-ફંદ. તેમાંo ૭

manma jane chhe marvu nathi re