મન માને નહિ, સો ફેરા સમજાવું તોયે શું થાયે

મન માને નહિ, સો ફેરા સમજાવું તોયે શું થાયે;

ખળ કઠણ કઠોર ચંચળ, ચોર ચપળ ચિત્ત ચોદશ ધાયે.

મન ભૂત તણી પેરે ભમતું, ચાલે માયાની સંગે રમતું;

એને હરિ ભજવાનું નથી ગમતું. મન...

મન નિર્લજને લજ્યા ન મળે, પીળું ભાળે પોતાને કમળે,

લઈ નાખે માયાને વમળે. મન...

જેમ કૂકર માથે માર પડે, તોય આવી ઊભું દ્વાર અડે;

ફળ દેખીને મરકટ ઝાડ ચડે. મન...

જો જમકિંકરનું દુઃખ જાણે, તો મિથ્યા સુખને શીદ માણે;

ગયો અવસર ઉરમાં નવ આણે. મન...

કહે પ્રીતમ પરપંચ પરહરતાં, શુધ ભાવે હરિનું સમરણ કરતાં;

કંઈ વાર નહિ ભવજળ તરતાં. મન...

Man Mane Nahi, So Fera Samjavu Toye Shu Thaye