મારી મેના રે બોલે

મારી મેના રે બોલે

મારી મેના રે બોલે રે ગઢને કાંગરે

કાયાના કુડા રે ભરોસા

દેહુના જૂઠા રે દિલાસા.. મારી મેના

એવી છીપું રે સમદરિયામાં નીપજે રે

મોતીડાં છે રે છીપલાંની માંય રે... મારી મેના

એવી માટી રે મંગાવો સારા શહેરની રે

હીરલા છે રે ધરતીની માય... મારી મેના

એવો વનરાતે વનમાં એક મૃગલો રે

કસ્તુરી છે રે મૃગલાની માય... મારી મેના

એવી મેના ને ‘મેકરણ’ દોઉ એક છે રે

એને તમે જુદાં રે નવ જાણો... મારી મેના

maarii menaa re bole