માંહેલા હેરી હેરી ગોટે કીજે હોજી

માંહેલા હેરી હેરી ગોટે કીજે હોજી,

સાચો મારો સદ્‌ગુરુ રીઝે રે... માંહેલા૦

મન કર બુકડા તને કર ટુકડા, શબ્દો કા ઝટકા લીજે હોજી;

કુબુદ્ધિ ખાલરી ફરી હટાઈ લે, તત્ત્વ માલ સબ લીજે રે... માંહેલા૦

કાયા કંપે જલ ભરી નીરખું, પૂરાં આંધણ દીજે હોજી;

કામ, ક્રોધી કી લકડી જલાઈ દે, જ્ઞાન ગુણ સબ લીજે રે... માંહેલા૦

રતિ સતી દોઉ રાંધન બૈઠે, ખદબદ ખદબદ સીજે હોજી;

આયા અભિમાન લગા ઊભરાને, ઝરણો કે ઢાંકણ દીજે રે... માંહેલા૦

લાલચ લસણી કુબુદ્ધ ખાલરી, મમતા મિરચી લીજે હોજી;

ધાણા હલદર લોભ મંગાઈ લે, સબી મસાલા દીજે રે... માંહેલા૦

સદ્‌ગુરુ સ્વામીરાજ જમને બૈઠે, રસ સે રસ સે લીજે હોજી;

દોઉ કર જોડી ‘માળી લખમો’ બોલ્યા, સંત મળી રસ પીજે રે... માંહેલા૦

maanhelaa herii herii gote kiije hojii