રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
લોચનિયે લોભાણી, હું તો તારી વાતડીએ વેચાણી રે...
lochniye lobhani, hun to tari vatdiye vechani re
જીવણ સાહેબ
જીવણ સાહેબ
લોચનિયે લોભાણી, હું તો તારી વાતડીએ વેચાણી,
નેણેથી ભરમાણી, હું તો તારી વાટડીએ લલચાણી,
- રે હો માવા! તારી મોરલી હો જી...૦
જે નો આવ્યા આજો જાણી, સરોવર ગઈ’તી પાણી,
બોલે રે બંધાણી, તારા બોલડિયે બંધાણી...
- રે હો માવા! તારી મોરલી હો જી...૦
જેણે રસ પીધા જાણી, ઈ પિયુજીની છે પટરાણી,
ઠીક તો ઠેકાણી, એની નશાં ઠીક તો ઠેરાણી...
- રે હો માવા! તારી મોરલી હો જી...૦
સાંભળો રે સૈયર! સમાણી, મારા મેરમજી ને લીધા માણી,
વાલી લાગે વાણી, એની મીઠુડી લાગે વાણી...
- રે હો માવા! તારી મોરલી હો જી...૦
ભીમ ભેટ્યા ઈ એંધાણી, દાસી જીવણ જપે જાણી
તાતી રે ટીપાણી, મારી ગરીબી ગવાણી...
- રે હો માવા! તારી મોરલી હો જી...૦
સ્રોત
- પુસ્તક : મધ્યકાલીન ગુજરાતી ભક્તિકવિતા સંચય (પૃષ્ઠ ક્રમાંક 121)
- સંપાદક : નિરંજન રાજ્યગુરુ
- પ્રકાશક : ગુજરાત સાહિત્ય અકાદમી
- વર્ષ : 2012