રેખ્તા
હિન્દવી
સૂફીનામા
રાજસ્થાની
લોભી આતમને સમજાવો
lobhii aatamne samjaavo
દેવાયત પંડિત
દેવાયત પંડિત
હેજી... લોભી આતમને સમજાવો
મારા સદ્ગુરુને પૂછું, રૂડાં જ્ઞાન બતાવે જી
હંસલા મેલીને બગલાને કોણ સેવે
બગલા બાહેર ધોળા ને મનના મેલા જી
લોભી આતમને સમજાવો...
હીરલા મેલીને પથરાને કોણ સેવે
પથરા બાહેર ભીના ને અંદર કોરા જી
લોભી આતમને સમજાવો...
કેસર મેલીને કેસૂડાને કોણ સેવે
કેસૂડા બાહેર રાતા ને મૂળના કાળા જી
લોભી આતમને સમજાવો...
સુગરા મેલીને નુગરાને કોણ સેવે
નુગરા નિશ્ચે નરકે લઈ જાયે જી
લોભી આતમને સમજાવો...
શોભાજીના ચેલા 'પંડિત દેવાયત' બોલે રે
મારા ગુરુજીનો બેડલો સવાયો જી
લોભી આતમને સમજાવો...
સ્રોત
- પુસ્તક : સુણ શબદ કહે જો સંત-ફકીર (પૃષ્ઠ ક્રમાંક 45)
- સંપાદક : ફારૂક શાહ
- પ્રકાશક : ભરાડ ફાઉન્ડેશન, રાજકોટ
- વર્ષ : 2009