રેખ્તા
હિન્દવી
સૂફીનામા
રાજસ્થાની
લે ને લહાવ
le ne lahaav
નરભેરામ
નરભેરામ
લે ને લે ને લહાવ જીવને,
જોતાં નહીં જડે,
જોતાં નહીં જડે જીવને
ખોળ્યો નહીં જડે.
કસ્તૂરી ને કેવડો લઈ તેલમાં તળે,
આવો રૂડો મનખો મેલી ભૂતમાં ભળે.
લે ને લે ને લહાવ...
મોતી સરખો દાણો લઈ ઘંટીમાં દળે,
બાવળિયાનું બીજ વાવે, આંબો નહીં ફળે.
લે ને લે ને લહાવ...
સત બોલાવે બોલતો નથી, અભિમાનમાં ફરે,
મારી ધક્કે આગળ કરશે, વેઠે ભાર ભરે.
લે ને લે ને લહાવ...
માયા તેને મીઠી લાગે, ગૉળ શી ગળે,
'નરભેરામ'ના સાથમાં તો કૂડ નંઈ મળે,
લે ને લે ને લહાવ...
સ્રોત
- પુસ્તક : સુણ શબદ કહે જો સંત-ફકીર (પૃષ્ઠ ક્રમાંક 47)
- સંપાદક : ફારૂક શાહ
- પ્રકાશક : ભરાડ ફાઉન્ડેશન, રાજકોટ
- વર્ષ : 2009