રેખ્તા
હિન્દવી
સૂફીનામા
રાજસ્થાની
તમે કૂડ કાયાનાં કાઢો રે વીરા
આયો અસાડો વિખિયાનાં રૂખ કાઢો,
અવસરનો વારો તો કાંઈ નવ હારો
તમે કાલ૨ ખેતર મત ખેડો રે વીરા!
પાતર જોઈ જોઈ જાતર કીજે
તમે વિખિયાનાં ફળ મત વેડો રે વીરા!...
ખોટે રે મને જેણે ખેડુ રે કીધી
ખરે બપોરે નાસે રે વીરા!
આઘા જઈને પાછા ફરશે
એના કણ કવાઈ જાશે રે વીરા!...
વિગત નવ જાણે તે લઈને બીજ વાવે
કાઢી કઢારો ચાવે રે વીરા!
ધાઈ ધૂતીને કાંઈક નર વિચાર જાણે
એની આગમ ખાધુંમાં જાવે રે વીરા!...
વાવ્યા તણો જે નર વિચાર જાણે
ઈ તો મૂઠ મેલે લઈને ટાણે રે વીરા!
'ભાણ' કહે નર નીપજ્યા ભલા,
મૂઠાં ભરી લઈ માણે રે વીરા!...
સ્રોત
- પુસ્તક : સુણ શબદ કહે જો સંત-ફકીર (પૃષ્ઠ ક્રમાંક 62)
- સંપાદક : ફારૂક શાહ
- પ્રકાશક : ભરાડ ફાઉન્ડેશન, રાજકોટ
- વર્ષ : 2009