રેખ્તા
હિન્દવી
સૂફીનામા
રાજસ્થાની
ક્ષિતિરસ તરુશાખાએ પ્રસર્યો
kshitiras tarushakhaye prsaryo
નરસિંહ મહેતા
નરસિંહ મહેતા
ક્ષિતિરસ તરુશાખાએ પ્રસર્યો, મનસિજ નયણે વસિયો રે;
રુદેભાવ કુચમંડળ પૂર્યો, આવ્યો રતિપતિ રસિયો રે. ક્ષિ૦ ૧
અતલિબળ વનસ્પતિનાથે ઊલટપાલટ કીધું રે;
અખિલ બ્રહ્માંડનું અમૃત લેઈ જુવતીને વદને દીધું રે. ક્ષિ૦ ર
અદ્દભુત બળ આપ્યું અબળાને, નર કાયર વર અંગે રે;
હસવું વનવેલીનું આપ્યું, કોકિલા-સ્વર મુખ-રંગે રે. ક્ષિ૦ ૩
યોગ-વિયોગ વિમુખને આપ્યો, ભોગ ભક્ત-ભગવાન રે;
તપ-તપસ્યા કર્મજડને આપ્યાં, નરસૈયાને ગુણગાન રે. ક્ષિ૦ ૪
સ્રોત
- પુસ્તક : નરસિંહ મહેતાના શ્રેષ્ઠ પદ (પૃષ્ઠ ક્રમાંક 76)
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997