રેખ્તા
હિન્દવી
સૂફીનામા
રાજસ્થાની
બોલ મા, બોલ મા, બોલ મા રે, રાધાકૃષ્ણ વિના બીજું બોલ મા.
સાકર-શેલડીનો સ્વાદ તજીને, કડવો તે લીમડો ઘોળ મા રે. રાધા.
ચાંદા-સૂરજનું તેજ તજીને, આગિયા સંગાથે પ્રીત જોડ મા રે. રાધા.
હીરા-માણેક-ઝવેર તજીને, કથીર સંગાથે મણિ તોળ મા રે. રાધા.
મીરાંકે પ્રભુ ગિરિધર નાગર, શરીર આપ્યું સમતોલમાં રે. રાધા.
સ્રોત
- પુસ્તક : મીરાંનાં શ્રેષ્ઠ પદ (પૃષ્ઠ ક્રમાંક 76)
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997