કોઈ રે બતાવો અમને જોગિયા રે

કોઈ રે બતાવો અમને જોગિયા રે,

જોગી મારી કાયા રે તણો ઘડનાર રે.

હેજી જોગિયો મળે તેા મે જીવુંગી,

નીકર તરત તજું રે મારા પ્રાણ રે,

સુરતા મિલાવો આપણા શ્યામ સે,

ચોપાટ માંડી રે શૂન્યમાં, ખેલું મારા પિયુ સંગે દાવ રે,

મૈં રે હારું તો મૈં પિયુની,

પિયુડો હારે તે મારી પાસ રે. હેજી... કોઈ રે૦

મૈં રે હરણી ને પિયુડો પારધી રે,

માર્યાં મને વચનોનાં બાણ રે...

હેજી લાગ્યાં રે હશે તે નર જાણશે,

અવર શું જાણે રે અજાણ રે? હેજી... કોઈ રે૦

ઘાયલ નર તે ઘૂમ્યા કરે રે,

ત્યાં સૂનો બાંધે હોડ રે,

હેજી જતન કરે પણ જીવે નહીં,

જેને લાગી શબ્દોની ચોટ રે. હેજી... કોઈ રે૦

મૈં રે પ્યાસી પિયુના નામની,

જપું મારા પિયુ પિયુના જાપ રે,

હેજી કહે રે 'મચ્છંદર' સુણો ગોરખા,

રહ્યા મારા તનમનમાં સમાઈ. હેજી... કોઈ રે૦

koii re bataavo amne jogiyaa re