રેખ્તા
હિન્દવી
સૂફીનામા
રાજસ્થાની
બાઈ, મ્હારું ખેતર હરણાંએ ખાધું
નામ ધણીજીનું લીધું
ઓ બાઈ, મ્હારું ખેતર હરણાંએ ખાધું.
પાંચેય હરણાં એવાં રે હળિયાં
તે મારો કેડો ન મેલે
તેથી મ્હારું કંઈયે ના ચાલે
વાડ વાડ મોરી મોડી ધૂકે
ઓ બાઈ, મ્હારું ખેતર હરણાંએ ખાધું.
ભોંય ભાંગી ભાંગી કણશલાં વાવ્યાં
માલો કેણી પેરે રાખું?
હાથે લૂલી પગે રે પાંગળી
હરણાં કેણી પેરે હાંકું?
ઓ બાઈ, મ્હારું ખેતર હરણાંએ ખાધું.
દોહ્યલા દીવાનનું તેડું જો આવ્યું
હવે ‘મહેમૂદ'ને લઈ જાશે
એ રે ખેતરમાં કાંઈએ ન પાક્યું
કઈ પેરે લેખાં આપું!
ઓ બાઈ, મ્હારું ખેતર હરણાંએ ખાધું.
સ્રોત
- પુસ્તક : સુણ શબદ કહે જો સંત-ફકીર (પૃષ્ઠ ક્રમાંક 65)
- સંપાદક : ફારૂક શાહ
- પ્રકાશક : ભરાડ ફાઉન્ડેશન, રાજકોટ
- વર્ષ : 2009