રેખ્તા
હિન્દવી
સૂફીનામા
રાજસ્થાની
કહો રે, સજની!
kaho re, sajni!
નરસિંહ મહેતા
નરસિંહ મહેતા
કહો રે, સજની! કઈ પેર મેલું આનંદરૂપી હરિ આવાને?
વેદ-પુરાણ-શાસ્ત્ર કહે છે : તે તો વિષયી જનને વહાવાને. ક૦ ૧
ભેદ ન જાણે ભવના હીણા, જાય સમોવડ થાવાને;
અબળા ટાળી નહીં કો સમરથ પાલવ એનો સાહવાને. ક૦ ર
જાગ-જગનમાં ઝાંખી ન જુએ, શીખ્યો ચોરી ખાવાનેઃ
નરસૈંયો ભૂતલ અવતરિયો ગુણલા એના ગાવાને. ક૦ ૩
સ્રોત
- પુસ્તક : નરસિંહ મહેતાના શ્રેષ્ઠ પદ (પૃષ્ઠ ક્રમાંક 89)
- સંપાદક : શીવલાલ જેસલપુરા
- પ્રકાશક : નવભારત સાહિત્ય મંદિર
- વર્ષ : 1997