ઝૂલતાંનો મેળો રે, ધણી વહેલાં ધાજો રે જી;

અમને અગમ અગેાચર લેહ લાગી રે... ઝૂલતાંનો૦

ભાઈ એક ભવસાગરમાં રે, ગુરુવા મારા લીલમ પડ્યાં રે જી;

અમને ભવસાગરમાંથી તારી લેજો રે... ઝૂલતાંને૦

મારા મહેલની નીચે રે, ગંગા જમુના નદી વહેતી રે જી;

અમે ગંગા જમુનાનાં નીર ઝીલ્યાં રે... ઝૂલતાંને૦

મારા મહેલની ઉપર રે, અનહદ વાજાં વાજી રહ્યાં રે જી;

વાજાં વાજ્યાં ને અણુઘડ ઘેરાયા રે... ઝૂલતાંને૦

એક અનમુખને કૂવે રે, તપસ્વી તપસા કરે રે;

તેની ક્રિયા તણો નથી પાર રે... ઝૂલતાંને૦

તપસ્વીને ખાળે રે, પવન એક પૂતળી રે જી;

તેના તેજ તણો નથી પાર રે... ઝૂલતાંને૦

ઈડા પિંગલા રે, સુખમણા નારી રે જી;

એને ચંદા સૂરજ દોનું સાખ રે... ઝૂલતાંને૦

એક રઝળતું ને રોડું રે, ગુરુવા અમને તારી લેજો રે જી;

એવા પ્રેમ રવિ ને ભાણ રે... ઝૂલતાંને૦

ત્રિકમજીએ તાર્યા રે, વસમી આ ભૂમિકા રે જી;

મારી કરણી તણા છે વાંક રે... ઝૂલતાંને૦

ગુરુને પ્રતાપે રે, ‘લાલદાસ’ બોલિયા રે;

જેણે જોયું સમાધિ મોજાર રે... ઝૂલતાંને૦