જદુપતિ નાથ તે મિત્ર છે તમ તણા

જદુપતિ નાથ તે મિત્ર છે તમ તણા, જાઓ વેગે કરી કૃષ્ણ પાસે;

પ્રીત પૂરવ તણી, હેત ધરશે હરિ, મન તણા મનોરથ સફળ થાશે. જ૦

ઘેર બાળક સહુ દુઃખ પામે બહુ, વસ્ત્ર ને અન્નથી રહે છે ઊણાં;

નિર્ધન સરજિયાં પુણ્ય કીધા વિના, કર્મના દોષ તે આવી પૂણ્યા. જ૦

જગતપતિ જાદવો, ભક્તિવશ માધવો, કરશે કરુણા પ્રભુ દીન જાણી;

ગોમતીસ્નાનથી કોટિ અધ નાસશે નિરખતાં કૃષ્ણને પ્રેમ આણી. જ૦

કૃષ્ણને હળીમળી શીઘ્રે આવો વળી, જાણશે ત્રીઠ તે અંતરજામી;

વીનતી મન ધરો, આળસ પરહરો, સહાય થાશે નરસૈંનો સ્વામી. જ૦

jadupati naath te mitra chhe tam tanaa