ઈશ્વરના મહિમા વિષે

ઈશ્વરના મહિમા વિષે

જય જય! પ્રભુ અંતરજામી, બળવંત વિદિત બહુ નામીરે. જય જ્ય-ટેક

તુજ મહિમા જગમાં છે મોટો, વાણી પાર ન પામીરે. જય જય...

કોઈ પ્રકારે તારાં કૃતમાં, ખચિત નથી કાંઈ ખામીરે. જય જય...

તુજ વશ વગર વડી વડી વાતો, કહીએ સર્વ નકામીરે. જય જય...

તું ઈશ્વર અધિદેવ અમારો, ધીમંત અવિચળ ધામીરે. જય જય...

અશરણ શરણ સદા તું એકજ, સૃષ્ટિ સકળનો સ્વામીરે. જય જય...

તુજ ભક્તોપર સંકટ શત્રુ, શસ્ત્ર શકે ના ઉગામીરે. જય જય...

દલપતરામ કહે તુજ જશમાં, મુજ મનવૃત્તિ વિરામીરે. જય જય...

ishwar na mahima vishe