હું રે વણઝારી આ દેશની

હું રે વણઝારી આ દેશની, ભાવે વણજ કરું છું જી,

મૂલ કમલમાંથી પરગટી, સૂન મેં ધિયાન ધરું છું જી.

ઉગારો હું નવ રાખતી, વસ્તુ સાથે વરું છું જી,

નવ પંદર પચ્ચીસમાં, છવીસમાં સંચરું છું જી... હું વણઝારી૦

હીરલા ઝવેરને માણેક મોતીડાં, મણિ મૂલ કરું છું જી,

મોંઘી રે વસ્તુ સાચવી, પ્રેમે પેટ ભરું છું જી... હું વણઝારી૦

પારસમાંથી પરગટી, પારસ માંહી ભળું છું જી,

દાસ 'પૂંજો' કહે ગુરુ ગિનાનથી, જલમાં ઝળહળું છું જી... હું વણઝારી૦

hun re vanjhaarii aa deshnii