રેખ્તા
હિન્દવી
સૂફીનામા
રાજસ્થાની
હું રંગારી રંગ ચડિયો
hun rangaarii rang chadiyo
પૂંજા બાવા
પૂંજા બાવા
સંગત કિયા તો ક્યા ભયા, હિરદે લગો નહીં ઘાવ,
પૂંજો કહે ગુરુ શબ્દ ચીન્હો નહીં, તો રહેગા દાવ કા દાવ
હું રંગારી રંગ ચડિયો, કુંદનમાં હીરો જડિયો રે,
જેમ સાગરમાં નીર ભરિયો રે, અનુભવી વરને વરિયો રે... હું રંગારી૦
હા રે ભાઈ ચિત્ત ચૈતન બે એક થયું, ત્યાં ભરમણા સહુ ભાગી ગયું,
જોઉં તાળી લાગી, ત્યાં ધ્યાન નિરંતર ધરિયું રે... હું રંગારી૦
સુરત નુરત મિલકર ચાલે, પલક ગગનમાં જઈ મા’લે,
નિરજન વાવે નેહ લાગો, મેં ભરો પ્રેમનો દરિયો રે... હું રંગારી૦
ઇંગલા પિંગલા સુખમણા, તરવેણી જઈને તરિયા રે,
‘પૂંજો’ કહે સતગુરુ મળિયા, તારે કારજ સઘળાં સરિયાં રે... હું રંગારી૦
સ્રોત
- પુસ્તક : સાહિત્ય : જૂન ૧૯૨૨ (પૃષ્ઠ ક્રમાંક 447)