જી રે લાખા, જીવ-દશાને દૂર કરોને જી

જી રે લાખા, જીવ-દશાને દૂર કરોને જી.

તો અનુભવનું સુખ થાશે હાં,

જી રે લાખા, દેહની ઉપાધિમાં જ્યાં લગી રહેશો જી,

તો અવિદ્યા કેમ કરી જાશે હાં...

જી રે લાખા, શત્રુ મિત્ર નહીં પક્ષાપક્ષ જી

એવી જાણીએ યોગીની યુક્તિ હાં,

જી રે લાખા, સુરતા નિરંતર રહે તખ્ત પર જી

તો જીવતાં થાશે મુક્તિ હાં...

જી રે લાખા, ધ્યાન ધરવાથી આળસ નવ કરશો જી

તમે સદ્‌ગુરુ વચને ચાલો હાં,

જી રે લાખા, નુરત–સુરતમાં ખેલ ખેલોને જી

તો નિરગુણ પદમાં મ્હાલો હાં...

જી રે લાખા, યોગના પદની રમત છે જુદી જી

તમે સદ્‌ગુરુ સારે જાણો હાં,

જી રે લાખા શેલર્ષીની ચેલી 'સતી લોયણ' બોલ્યાં જી

તમે સમજીને મહાસુખ માણો હાં...

jii re laakhaa, jiiv-dashaane duur karone jii