રેખ્તા
હિન્દવી
સૂફીનામા
રાજસ્થાની
સદ્ગુરુની સાન પકડ લોને ભાઈ
sadgurunii saan pakad lone bhaii
દીન ભગત
દીન ભગત
સદ્ગુરુની સાન પકડ લોને ભાઈ, સંતો કરી લ્યોને સાચી કમાઈ.
પૂરવનાં પુણ્ય હશે જે જનનાં, તે માનશે વાત અમારી,
ભરમેલા મનના હશે જે ભમતાં, તેને સમજ ન આઈ... સંતો૦
નાભિ કમળથી હે સુરતાને સાધો, ત્રિકુટી આસન જમાઈ,
ગંગા ને જમુના સરસ્વતી વહે છે, સબ તીરથ છે ત્યાંહી... સંતો૦
ઉનમુન હોકર ધ્યાન લગાવો, આપુપણું વિસરાઈ,
નુરત-સુરત કું એક ઘર લાવો, નિર્ગુણ રાહ ચલાઈ... સંતો૦
'દીન' ભગતની વાણી છે સાચી, જીવનમુક્ત હો જાઈ,
જે નર સમજ્યા તે પાર ઊતરિયા, સત્ય માનો મેરા ભાઈ... સંતો૦
સ્રોત
- પુસ્તક : પરિચિત પદસંગ્રહ (પૃષ્ઠ ક્રમાંક 155)
- પ્રકાશક : સસ્તું સાહિત્યવર્ધક કાર્યાલય, અમદાવાદ
- વર્ષ : 1946
- આવૃત્તિ : ત્રીજી આવૃત્તિ