ગોકુળ વ્હેલા પધારજો રે

ગોકુળ વ્હેલા પધારજો રે, મથુરા જાઓ તો મારા સમ હો લાલ. ગોકુળ...

અક્રૂર આવ્યા તેડવા, તે તો મારા દુખડાનો દેનાર રે લોલ. ગોકુળ...

બળીભદ્ર બેઠા રથમાં, હરિ હળધરનું જુગતે જોડું લાલ. ગોકુળ...

આણી આણી શેરડીએ પ્રભુ મારા, રથ લાવો પાછા લાલ. ગોકુળ...

રાણી રાધા બેઠાં આડાં થઈ, પ્રભુ મારા હૃદિયાપર રથ ખેડો લાલ. ગોકુળ...

વહાણામાં જોતી વાટડી, પિયુ મળસકે અમને તજ્યાં લાલ. ગોકુળ...

ગોકુળ મથુરા છે બે ગામડાં, વચમાં જમનાજી ભરપૂર રે લાલ. ગોકુળ...

મથુરામાં મામાને મળવા જતાં, વહાલા કેમ રાખ્યું ન હેત લાલ. ગોકુળ...

જગજીવન મારો-જિવાડો, મથુરામાં જાઓ તો પ્રાણ નાંખું કાઢી લાલ. ગોકુળ...

નરસૈંયાનો સ્વામી શામળો, વહાલે ફરી રમાડ્યાં ન રાસ લાલ. ગોકુળ...

gokul vhela padharajo re