રેખ્તા
હિન્દવી
સૂફીનામા
રાજસ્થાની
ગિરધારી રે
Girdhari Re
મુક્તાનંદ
મુક્તાનંદ
ગિરધારી રે, સખી ગિરધારી.
મારે નિરભે અખૂટ નાણું. ગિરધારી રે. ટેક.
ખરચ્યું ન ખૂટે એને ચોર ન લૂંટે;
દામની પેઠે એ ગાંઠે બાંધ્યું ન છુટે. ગિરધારી રે...
અણગણ નાણું સંચે અંતે, નિરધનીઆ જાય;
તેની પેઠે નિરભે નાણું, દૂર ન થાય. ગિરધારી રે...
સંપત વિપત સર્વે સ્વપ્નું જાણું;
હરિના ચરણની સેવા, પૂરણ ભાગ્ય પરમાણું. ગિરધારી રે...
મુક્તાનંદ કે મોહનવરને ઉરમાં ધારી;
હવે દુઃખ ને દારિદ્ર થકી, થઈ હું ન્યારી. ગિરધારી રે...
સ્રોત
- પુસ્તક : મધ્યયુગીન ઊર્મિકાવ્યો (પૃષ્ઠ ક્રમાંક 284)
- સંપાદક : ચિમનલાલ ત્રિવેદી, બળવંત જાની, ચિનુ મોદી
- પ્રકાશક : સાહિત્ય અકાદમી, ન્યૂ દિલ્હી
- વર્ષ : 1998