ગૌ ચારીને ઘેર આવે, વહાલોજી

ગૌ ચારીને ઘેર આવે, વહાલોજી મારો ગૌ ચારીને ઘેર આવે.

પીંડારા-શું ૫રવરિયા મોહન મધુરી શી મોરલી બજાવે! ગૌ૦

ગળે હાર ગુંજાનો મનોહર, મોર-મુગટ શિર સોહે;

શ્યામ તણી સુંદરતા જોઈ, મુનિજન તણાં મન મોહે. ગૌ૦

હાથ લાકડી, ખાંધ કામળી, ગોવાળાને મન ભાવે;

વનમાં પુષ્પ ભાતભાતનાં, છોગલાં મૂકી મૂકી આવે. ગૌ૦

કુંકુમ કેરા છડા દેવરાવું, મોતીડે ચોક પુરાવું;

નરસૈંયાચા સ્વામી પધાર્યા, મારી શેરીમાં ફૂલડાં વેરાવું. ગૌ૦

gau chaariine gher aave, vahaalojii