રેખ્તા ગુજરાતી ઉત્સવ - 5 જાન્યુઆરી: વડોદરા | 11 જાન્યુઆરી: મુંબઈ | 19 જાન્યુઆરી: ભાવનગર - ફ્રી રજિસ્ટ્રેશન કરો
રજિસ્ટ્રેશન કરો
રેખ્તા
હિન્દવી
સૂફીનામા
રાજસ્થાની
ગરવા ગુરુ મળ્યા રે! એવા સત નિરંજન દેવ જી!
મિષ્ટ વચન ગુરુદેવનાં, તેનો વિરલા જાણે ભેવ!
ગુરુને જાતવર્ણ-આશ્રમ નહિ, ને સહેજપણે અવધૂત જી!
ગુણ સાથે નહિ યોજના, સ્પર્શે નહિ પંચભૂત!... ગરવા૦
અખિલ જગત ગુરુમાં રહે, અને ગુરુ રહે નિરધાર જી!
અન્ય આશ્રિત નહિ ગુરુ વિષે, એ તો રહે પરાને પાર!... ગરવા૦
એ આશ્ચર્ય ગુરુનું ઘણું, જે અરૂપીને અણલિંગ જી!
સ્વભાવે સાક્ષી તે સદા! પ્રતિબિંબ પાંચે રંગ!... ગરવા૦
સામર્થ્યે સઘળે રહે, અને સ્વયં રહે સંત પાસ જી!
ત્યાં મેળાવો ‘અખા’ માહરો, એ તો સ્વયં મળે અવિનાશ!... ગરવા૦
સ્રોત
- પુસ્તક : પરિચિત પદસંગ્રહ (પૃષ્ઠ ક્રમાંક 12)
- પ્રકાશક : સસ્તું સાહિત્ય વર્ધક કાર્યાલય અમદાવાદ
- વર્ષ : 1946