છપ્પન ભોગ જ્યાં કવણ તાંદુલ ત્યાં

છપ્પન ભોગ જ્યાં કવણ તાંદુલ ત્યાં? આપતાં ઉર સંકોચ આવે;

જોઈએ સર્વ તે આવી મળે કૃષ્ણને, તાંદુલ ભેટ તે તુચ્છ કહાવે. છ૦

ધાઈ લીધા હરિ, મુષ્ટિ તાંદુલ ભરી, પ્રેમે આરોગિયા તૃપ્તિ પામી;

ઇંદ્ર-કુબેરથી અધિક વૈભવ કર્યો, રુકમિણીએ કર ગ્રહ્યો શીશ નામી. છ૦

'એક રહ્યાં અમો, એક બીજા તમો, ભક્તને અઢળક દાન કરતાં’,

પ્રેમદાએ પ્રીતનાં વચન એવાં કહ્યાં, હાથ સાહ્યો ત્રીજી મૂઠી ભરતાં. છ૦

વિનતાનાં વચન તે વિપ્ર સમજ્યો નહિ, ચાલવા ઘર ભણી શીખ માગી;

નરસૈંને નાથે જઈ દ્વાર વોળાવિયો, મન તણી આરત સર્વે ભાગી. છ૦

chhappan bhog jyan kavan taandul tyan