ચંદ, ગયંદ, ભોયંગ, કુરંગ, સિંધા એકે વાસ વસંતા રે

ચંદ, ગયંદ, ભોયંગ, કુરંગ, સિંધા એકે વાસ વસંતા રે;

નારીએ જીત્યા પંચ બળવંતા, દૂર ગયા લાજી મરંતા રે. ચં૦

ચાંદલો ગગન ગયો, ભોયંગ પાતાળ રહ્યો, સિંહ-મૃગ-ગજ વન નાઠા રે;

અબળા ઉ૫ર પંચ બહારવટે પંચ પંચાયણ ગાઠા રે. ચં૦

ગજ ગતિ-ચાલ, વેણ વાસંગ-નાગ, જીત્યા કેસરી લંકા રે;

તાસી જીત્યા નયણ કુંરગા, જીત્યા વદન મયંકા રે. ચં૦

એટલાનાં માન હર્યાં? રે માનિની, હરિ-મન હરવા ચાલી રે;

નરસૈંયાચો સ્વામી સબળ સારંગધર, બળવંતે બાંહોડી ઝાલી રે. ચં૦

chand, gayand, bhoyang, kurang, sindha aeke vaas vasantaa re