વીરા પાતર પરખ્યા વિના સંગડો ન કરીએ

હે વીરા! પાત્ર પરખ્યા વિના સંગ નવ કીજીએ જી,

ઓલ્યા અજ્ઞાની ઉપાધિ કરશે જી.

હે વીરા! હિમનો ઠરેલ એક ઊંદર હતો જી,

તેને હંસલે પાંખુંમાં લીધો,

હે વીરા! સસિયર થયો ત્યારે પાંખું શણગારી,

પાંખું પાડીને અળગો થયો... હે વીરા૦

હે વીરા! સજીવન મંત્ર એક વિપ્ર રે ભણ્યો,

તેણે મૂવેલો વાઘ જીવાડ્યો ,

હે વીરા! ઈ વાઘે ઓલા વિપ્રને માર્યો,

પડકારીને પેલે થાપે... હે વીરા૦

હે વીરા! દૂધ સાકર લઈને વસિયલને સેવ્યો,

તનમનથી વિખ નવ છાંડ્યો,

હે વીરા! અજ્ઞાની જીવને જ્ઞાન નવ આવે જી,

ભલે વાંચીને વેદ સંભળાવે... હે વીરા૦

હે વીરા! ભવના ભૂલ્યા રે નર હીંડે ભટકતા જી,

એના લેખ લખ્યા છે અવળા,

હે વીરા! દેવલ ચરણે 'દેવાયત પંડિત' બોલ્યા,

ઈ તો સમજ્યા તે નર સવાયા... હે વીરા૦

viiraa paatar parakhyaa vinaa sangado na kariiye