બાઈ હમે ઘેલાં થયાં રે

પહેલાં તો હું કાંઈ નવ જાણું,

મારું મન માયાથી બાંધ્યું.

ભવસાગરમાં ભૂલાં પડ્યાં,

મારગમાં મળિયા માધવ -

બાઈ હમે ઘેલાં થયાં રે, અમને ઘેલાંમાં ગુણ લાગ્યો,

ઘેલાં ખરાં પણ હમે હરિનાં ઘેલાં,

ઓલ્યા દુર્જનિયા શું જાણે,

મૂઢ મતિ માથાં કૂટીને મરશે

મરજીવા રસ માણે. - બાઈ હમે, અમને૦

ઘેલાં મટીને હમે ડાહ્યાં ન થઈયે

વળી ઘેલાં ઘેલાંનાં કામ કરશે,

સમજાવતામાં ચડે રીસ તો

તે નર ક્યાંથી તરશે. - બાઈ હમે, અમને૦

ઘેલાં ખરાં પણ હમે પ્રભુનાં ઘેલાં

સંતોના ચર્ણમાં સીધાં,

‘બાઈ મીરાં’ કહે પ્રભુ ગિરધરના ગુણ,

તમને ભજે સર્વે કારજ સીધ્યાં, - બાઈ હમે, અમને૦

Bai hame ghela thya re