બાઈ, અમે પકડી આંબલિયાની ડાળ રે

બાઈ, અમે પકડી આંબલિયાની ડાળ રે,

જંગલ માંહી એકલી હો જી.

ઓતર દખણથી ચડી એક વાદળી રે વરસ્યા બારે મેઘ રે,

બીજાને મારે આખડી હો જી.

નદી રે કિનારે બેઠો એક બગલો રે, હંસલો જાણી કીધી પ્રીત રે,

મુંઢામાં ઝાલી માછલી હો જી.

ફૂલનો પછેડો ઓઢું પ્રેમઘાટડી રે, બાઈ, મારો શામળિયો ભરથાર રે,

બીજાને મારી ચૂંદડી હો જી.

બાઈ મીરાં કહે પ્રભુ ગિરિધરના ગુણ, બાઈ, મારો પિયુડો પરદેશ રે,

ફરૂકે મારી આંખડી હો જી.

Bai, Ame Pakdi Aambaliya ni Daal Re